Abeng Achan's Blog

Nyamai Ati!

2010-09-29T14:07:00.000+08:00

Ndai berasai udah abis exam kami. Nya baru ati nyamai. Tang kebatangya aku x nemu nama utaik ka ditulis. Nyadi tu meh. Semina ka madah aja....

Beluk udah tembu direnubit, diseruri,diadu nggau dipemajikka agi!

2010-06-29T17:28:00.000+08:00

Hello bala beluga, pemacha beluk, enggau urang ke tepansaka beluk tu alu macha, enggau urang ke mansa beluk tu tang alu ngenyak link bukai. Betemu baru kitai. Enda berasai nyau udah 3 taun aku nyadi beluga ba dunya enda beantara tu. Nyadi kena ke sahitu, kena ngingatka anibesari aku nyetat ka beluk tu 3 taun (2008) ti suba, aku udah ngerenubit (renovate) baru beluk tu ngambi ka iya up-to-date enggau mayadiatu. aku meri terima kasih nggai bala penitih enggau bala beluga bukai ti nitih beluk ku laban enda badu ninti alu seruran meruan nitih ka beluk aku. TQ magang. Nyadi ngahapka kita alu meruan nitihka beluk tu au. Anang badu. Ok... Kira ke mupuk dulu meh aku...................

Nyemerai ai Kenyir

2010-06-20T16:10:00.003+08:00

Apuuu, lama amat enda nge'update' beluk tak nge'update' saritu. Ok enda berasai nyu dah abis siti sem. Nya ya bulih. Ngenang ke pengawa ku arinya, kira ke aku bisi nganjung diri ke Tasik Kenyir meh ari nya nggau urang ngeruh ai ba din. Nya meh enda kala-kala kin tak kin. Nyu nda berasai ga udah kala ngindik rumput ba Tasik Kenyir din. Kati gaya din? Enda nemu ka madah. Munyi ko sempama Laut, "Manah gi tusi ari gamal." Ukai ku madah Tasik Kenyir nya enda manah, Manah ke bendarya tang nya meh kurang di'maintain' urang nya kebuah gaya ya kira kuhang mimit meh ari ke sepatutya. Taja pia, aku enjoy ba din, kamping ba din taja mina semalam

Begambar abis 'Operasi Menyelamat'

Chun mat!

Bgambar mayuh mayuh

Begambar ba wap

Pemanah Tasik Kenyir

Tasik Kenyir

Mayuh pengelaman dulih ku dia. Baru nemu pemesai Tasik Kenyir ke dikelingi lebih ari 100 pulau nya. Nang besai. Ka-ka irau ga mandi dia, ni nemu bisi 'nya' kini?? Tang nda ngawa, tanda aku agi enseput diatu retiya endur nya selamat alai mandi asal ngena life jacket aja. Taja pan sun burn pama meh dah kala nyemerai ai Tasik Kenyir!

Ngelawa Kelantan

2010-04-03T14:33:00.001+08:00

Akaidai, pedis mat perut ku tu. Asai ke ka ngagai jamban baru ku, pia ko KKR (ukai nama endar) alu nganjung diri ke jamban util sekali gi. Tu nyu ke 6 kali dah KKR ngelabur ba "amanah saham nasional" util Selesa nya. Nda ku nemu nama kebuah iya ka amat bira. Ka ngumbai salah utai pakai nda ga laban kami sama bela makai utai sebaka ga malam sebedau nya. Ba ya ko sekeda, KKR ngagai Kelantan ukai ka meda menua tang nyu nganjung diri bira datai ba Kota Bharu din. Lebuh ditanya kebuah iya alu reringik nyaut " sigi gaya ba menua urang. Lain angin menua urang ditu ", ko ya ga. Dia iya madah diri sensitip ngau menua baru laban enti menua nya enda kata ditengah ya alu meh nyadi simptum-simptum baka renga sakit tu sakit nya meh. Huhhh... Mayuh macham kaban kitai tu.Sepanjai ba Kelantan iya bira lebih kurang 9 kali dalam sari nya aja. Nda ngawa pama meh bisi ninggalka bekau ba Kelantan. Hehehe... Ok umbas ngau cherita nya. Sekumbang kami din ari 27 ngagai 29 April 2010 mayuh endur dilawa kami. Ya ga beserimbai nggau Jom Heboh, nya ya nyadi ndar. Dia deh bala kami bakaka sakai lebuh Jom Heboh nya. " Nama urang ka ndar merening kitai", ko sekeda ga. Kati ko nda deh kitai ga baka nama nda datai din. Begambar sebarang, makai utai peri din. Barang utai rara. aku nggai 'chakap' agi aku meda ulah kami din. Peda kedihi.....

Pintu penama gai JOM Heboh

Sempat ngambar Farah AF

Posing ba entuka TV3

Posing ba entuka Hot FM

Sapa ka meli Chenderaati?

Begambar nggau Karam Singh Walia ba Aduan Rakyat Corner

Deriba Kami

Makai Maggi peri. Hehehe...

Udah kami pulai ari JOM Heboh nya malam nya alu terus ngagai Chek Yeh (Bisi sekeda ngumbai, Mak Yeh, Chek Nyah, Mak Nyah meh. Mayuh nama beri bala. aku ukai nggai ketawa ninga nya). endur popular ba Kelantan din. Ditu mayuh utai mudah dijual urang ditu.

Pasar Chek Yeh

Pusing sekejap

Ngelawaka dihi!

Meli minyak Renggut

Dah nya alu terus ngagai Pantai Cahaya Bulan, endur ti patut dilawa enti ke Kelantan. Diau dia sampai pukul 3 pagi. Nang baka munsang..

Blur ba pantai

Bgambar ba batu

Begambar ba tugu

Last sekali pagi nya kami ngagai klimaks endur ti patut dilawa urang lebuh ke Kelantan iyanya Rantau Panjang (ko kbn ku Rantau Panjai). Din mayuh macham utai murah (barang Thailand). Nama ka d, bisi din magang. Ka ya tanchut jeans, selipar, kut, anak patung, baju, jersi, pemakai. Sebut aja nang sigi bisi. Aku nggai ngelengkaka awak meli tanchut jeans baru din. Mudah baruh ari RM 30 aja tang baka uri nya meh. Ba ko kaban ku nyu perenching mata datai din nda nemu nama utai ka beli. Nti ulih semua ka. Nya bala kaban ku ngelaban barang Thailand dia. Nyu bekambut-kambut plastik bai pulai. Nyu ka nda umbas da Viva endur kami ngengkahka barang. Apu!!! Nya baru shopping maut ko urang! Pemakai anang nyebut sekali makai ba kedai makai dia nyu RM 50 bebayar ke pemakai. Tekenyit ati ninga. Utai diudar ka mimit tang rega baka gunung. Badu nda ga kaban ku ke siku tu nyu bepinggai pinggai asi uda ya. Apu, amat besai tangki perut iya. Tang udah nya, baru ka ngabiska siti gi pinggai asi tak angkat ya alu madah ka diri ka bira. Raya kaban kitai tu! Pemakai ke diempa tadi nda sempat diprusis alu buai baru. Tang siti meh utai nyelai din iyanya urang ka amat beratika kami. Nda nemu meh nama kebuah (Perasaan ndar).

Rantau Panjang

Mesejit baka tukung

Mpai chukup nggau nya malam nya makai baru ba Pizza Hut. SS ko kaban ku ga. (SS = sekali sekala). Nya ya bulih nguda 2 piza. Dah nya nambah baru 1 piza ga. rega ukai anchi- anchi nyu RM 103 kami bebayarka semua nya. Sekali makai aja. "Nda ngawa, ukai nya selalu ngagai menua urang, ko YB (ukai nama endar) ga.

Makai Piza

Pama nuntum sup kulat

Kenyang udah ngelaban piza nya

Bala kami

Sepemanjai ba Kelantan mayuh utai nyadi. Manah nggau jai tak betugung dia. Tang siti utai meruan dalam ati pengelaman din nang tusah di ka ngelupaika. Mayuh pengingat din ti tusah ka lenyau ari untak. Tajapan kena saman berapa kali tang nadai ngawa asal ati gaga. Pulai kami ari Kelantan nya pukul 11 malam alu deriba nda ngetu sampai Kuala Terengganu pukul 4 pagi. Nya alu lipak- lipak ba McD sebedau tama INSTEP baru. Nya ya bulih......

Under renovation!!!!

2010-04-01T03:10:00.000+08:00

Beluk ku benung direnovate. So aku minta ampun enti bisi nama nama nyadi sepemanjai kita ke meda beluk ku. Minta ampun skli gi....

Mission Trip ngagai urang Asli

2010-02-21T13:23:00.000+08:00

Lebuh ka kemisi Taun Baru China arinya, gerija SIB begulai nggau gerija RC Kuala Terengganu bisi ngaga trip ngagai urang asli. Pengawa tu digaga ngambika merita ka berita manah ngagai urang asli ngambika sida mega ulih ngasaika pengasih Tuhan dalam pengidup sida. Bala kami bisi kurang lebih 30 iku ngena van ari Kuala Terengganu nadai ngetu (mina ngetu nda lama ba Kuantan, nganjung diri ke jamban) terus ngagai Kpg Langkap K. Rompin Pahang. Pejalai tu ngambi maya kirake 6 jam alu sepenyauh kurang lebih 250 kilomita ari endur kami bekejang. Sepemanjai pejalai kami mayuh pemanah nature ti bisi dipeda kami bka ai tasik ti biru alu flora nggau fauna ti amat merindang ati. Nda berasai ga lelak laban teperindang meda nya. Datai din ari pan dah malam. Kami alu masang kimah enggau ngidupka api. Bisi sekeda mandi ba sungai. Kami alu belelak malam nya ngantika aktibiti ke pagila. Pagi nya kami bisi ngaga beberapa aktibiti baka belagu, pekit ngechat, enggau mayuh agi kena merindang anak urang asli dia. Target kami sigi anak mit laban ke bebesai mayuh ya malu alu sida nggai datai tang puji Tuhan m ayuh anak mit datai.

Bgambar lu ba gerija sebedau nurun.

(Ari kiba: Pastor Jasirin, Jerry, Aku, Jackny & Freddy)

Barang-barang ti deka dibai kin

(Ari Kiba: Jerry, Jackny Diana & Raina)

Pelan Kertih Petronas pansa kami

Datai ja alu ngidupka api

Bala kimah endur tinduk

Posing dulu hehehe

Kimah indu

Makai- Makai

Santai

Tu gaya sungai endur kami mandi

Anak Urang asli

Ngajar sida belagu

Tim pelayan

Pekit ngechat

Rumah Urang Asli

Gambar kenang sebedau pulai

Tajapan enda lama ba din, ka semina 2 ari siti malam tang experience tu naka ya berega ba aku. Sepemanjai ba din mayuh experience dibulih ku. Baka bakeni ka ngidupka diri dalam kampung. Ke penemu kita, ba din nadai jamban so enti ka bira nemu nemu meh. Tang ke lebih agi diau ba din udah muka mata aku bakeni kita sepatutya semampai besyukur belema enggau utai ti dikebisika kitai. Sida tajapan mayuh nadai pemisi tang sida idup simple enggau gaga. Kitai nama nadai utai mimit alu sebana. tang sida utai ke mimitnya meh dikenyadika sida. sinu ga ati laban sida mega mayuh empai ngelala Tuhan alu kami pechaya penatai kami kia enda puntan ngapa tang kami nemu jauh ba dalam ati sida leka Jaku Tuhan nya udah ditanam alu deka beurat ba ati sida. Sama meh kitai besampi.Amin...

Gambar Memew

2010-01-02T21:46:00.001+08:00

Nda nemu keni ka nyetat kepait (post) taun baru 2010 ku tu. So, nyah terima meh gambar mayau ke dambiku tu. Hehehe...

Kiut ne? Ukai nama aku sigi minat mayau. Nya kebuah mayau ba rumah kami nyau diatu manggai 8 iku. Nya aja kini? Nadai ga utai ke ka tulis agi. Ila meh nabak baru au.... Ka bekejang lu. Bye... GBA (God Bless All).....

Selamat Taun Baru 2010!

2009-12-31T19:41:00.006+08:00

Nyu nda berasai kitai udah ba pengabis taun 2009 alu ka tama taun 2010. Mayuh amat pengingat lama ti pait enggau manis ne. Nyadi diatu nama ka gaga? Am meh kitai nyetat taun baru enggau riselusi baru alu mega enggau runding ti baru ba taun 2010 tu.

SELAMAT TAUN BARU 2010

Tuhan merekatka semua....

Ngelawa OKU Ba PDK Marang

2009-12-06T17:50:00.010+08:00

Nyadi kena ke 14 November 2008 arinya aku bisi nggau urang 'ngeruh ai' ke PDK Marang ba baruh perugerim 'Bakti Siswa' ti digaga INSTEP. Perugerim tu digaga kena meri penyedar ngagai kami alu beserimbai nggau misi Petronas ti ka nulung kumuniti. Bisi 6 endur PDK ditunga kami.So, aku tu tadi diengkah urang ba PDK Marana kirake bisi sejam ari Kuala Terengganu. Nama pengawa kami din? Antara ya iyanya, beduruk meresika kumpaun endur nya alu ngelaguka ba dalam rumah nya.

Lebuh ke nepan bas chatar ke PDK Marang

Gaya mua PDK Marang

'Posing' ngantika makai..

Bala begambar enggau siku OKU

Ninga lechera sekejap sebedau gawa

"Terima kasih laban datai. Sebedau ku bejaku...."

"Jangan ngular-ngular ya"

"Bala bagian dalam"

"Stedy u"

"Nama pengawa?"

"Sekeda utai dalam rumah"

Simbul Sabah nggau Sarawak dilukis ngambi ke pengingat "We were here"

"Benung bemain nggau bala OKU"

"Ngemas bilik"

"Bala ba luar ngechat mija"

"Asil kereja"

'Meri penghargaan'

Begambar kenang sebedau pulai

P/S: Tembu ati udah ngaga kereja baka tu. Nang best pengawa tu. Tajapan lelak tang semua nya lenyau udah meda asih kereja diri empu. Pama meh bulih T-Shirt....

Selamat Raya Ngagai Semua Ke Nyambut Raya

2009-09-20T15:42:00.000+08:00

Alu selamat bekemisi ngagai semua. Arapka semua gerai- gerai belama.... Sinu ati enda ulih pulai.....Ehhh nda ga.....Tang sunyi menua tu. Urang nyau beraya magang. Ok... Nya aja Tuhan merekatka semua..............

Ka nguji nyadi archera (archer) nda lama...

2009-09-05T23:33:00.005+08:00

Nya meh nda kala megai panah. Ka nguji sekali. Chun ga. Sekali sekala main pama meh.....

Piknik ba Hutan Lipur Sekayu

2009-09-05T22:59:00.004+08:00

Begambar Ba Mua Hutan Lipur Sekayu

Aktiviti ke bisi digaga kami

Sungai Sekayu

Ai Terjun Sekayu

Begambar mayuh mayuh sebedau pulai

Kena 31/8/09 kami bisi bejalai ngagai Hutan Lipur Sekayu. Pejalai ari Kuala Terengganu ngambi maya kirakira 1 jam. Datai din kami bisi ngaga mayuh aktiviti baka manggang, enggau mandi. Best ndar......

Semina ka ngeupdate aja

2009-08-22T11:22:00.001+08:00

Nama rita? Enti kita nanya aku, Aku tu nadai ga rita nama nama. Manah aja. Nda nemu nama 'tai ka tulis agi. Semina tu aja meh, ba ditu nyau ka seminggu nda ujan. Raya pengangat menua tu. Ya ga semak pantai. Nda lama chelum. Hehehe... Aku ninga ba Sarawak din pan kemarau ga. Kasih ku ninga urang Serikai tepensal ngirup ai masin enggau bepandika ai masin laban kemarau tu.Kati enda deh, ai paip dah masin. Apu, nda ku ulih imagine bakeni asai ya mandi enggau ai masin. Ngarapka ujan meh ari ngambika nda ga utai tu majak nyadi. Besampi meh ngagai Tuhan ngambika nurun ka ujan ba menua kitai.

P/S: Ngagai urang ka nganjung kumin, terima kasih amat amat meh laban udah ngelawa beluk aku. Beluk ku tu nda ga manah ndar tang terima kasih meh. GBU.....

Juging Ba Pantai Batu Rakit

2009-07-23T20:46:00.004+08:00

Bejuging agai pantai

Begambar enggau terumbu karang ke bisi ditemu kami tisi pantai.

Gambar sunset ba tisi pantai. Chun ndar!

Burak mat pasir ya. Ai pan chiru...

Besai umbak ditu!

Nya meh kitai enda tau nda nyaga pengerai alu besenam anang kurang. Nya kebuah aku tu ka bejuging mimit ngambika fit agi. Nda berasai nyu datai ba pantai belakang kampus. Apu! chun amat ndur nya. Nda berasai bejalai lebih 1 kilomita nengah tebing pantai. Chun nang chun.

Menua Baru kaban pan baru

2009-07-21T19:58:00.004+08:00

Sekeda gambar ke bisi ditangkap lebuh terubah tama agai INSTEP Petronas. Ila aku nepu mayuh gambar agi. Thanks all laban selalu meri support.

Menua Baru Aku!

2009-07-11T20:11:00.002+08:00

Nyu nda berasai dah 5 ari ninggalka menua Sarawak tegal ka nitih ka juluk ati nyadi injinia. Ditu meh aku. Kira ke lebih 500km ari rumah ba INSTEP Petronas Batu Rakit Kuala Terengganu. Nda berasai nyu sekula baru udah ke berapa lama kemisi. Nyu ka lelembau isi ka engkebut baru. Tang tu meh pengidup. Kitai mestika neruska pengidup. Tu nentuka pengidup kitai jemah ila. Ngagai bala pemacha ma'sih laban meruan setia. Nya aja ari aku. Ila nama bisi gambar aku nganjung. GBU...

Nuhun Intebiu ( PART 2)

2009-06-12T16:48:00.002+08:00

(Ketampung ari Part 1)

Episut 5
(Ipul mansau)
TROOM!!!!Baka bunyi guntur ngusak bumi. "Nama nya?"Ari ni utai nya datai aku pan nda nemu. Aku berasai takut. "Nda patut rumah tu bisi......?" Eh, nama aku tak berundingka utai nya tengah malam tu. Pagila bisi intebiu. Focus okey! Udah nya aku mansik penatai bunyi nya. Nemu tak apaiku empu benung ‘narit batang’ ba baruh ku. Nemu ‘narit batang’ kita? Ananguai bechura’ untak. Nya slang kami ditu ti bereti bekuruh. Ngesalka ka aku ngapa ko aku dah nya. Dalam bilik nya bisi ikun ti dipasang semalam malam. Nya meh tak asaika diau ba Antatika empa peyelap laban ikun nya. Setat meh aku engkasi enda ngetu- ngetu. Laban ke nadai tisu tadi, tisu jamban nya pan nyadi meh. Endur ngensingka insak. Nyau pengelama ku ngensingka insak tak lain asai insak ke pansut ari idung. Sekali ku masang api. APU!!!!! Nama nya tak mihah? Peda ku tak bekerenjui darah pansut ari idung ku baka chura ipul mansau. Idung ku enchair! Beguai ku lu masang api. Peda ku tisu tak mihah magang-magang. “Mi, bedarah idung ku” ko aku. Kati tau bedarah ne. Sekumbang pengidup ku nda kala ku bedarah idung tang kati tau tak bedarah. “Kada nda bai ku makai kehang ba ‘Ah Tau Seafood’ kini?” ko aku. “Eh, bai kelalu angat pala” ko indai ku. Nda patut, utai ngenyelap tu enda patut tau angat pala. Dah nya asuh sida iya basah pala ku. Dah nya bahu idung ku badu enchair. Akai mayuh ndar utai nyadi. Arap meh pagila bejalai enggau manah….

Episut 6
(Do you eat pork?)
Nyelai, Ka ngumbai nyelai enda ga tang nyelai utai tanya urang maya intebiu. Nya meh nyadi ba aku. Tembu paginya beradu alu ‘ngembup’ ngagai util Riverside Majestic. Tama kin alu terus ngena lip terangkat agai renggat ke 30 kini. Enda ingat gi. Dah nya telenga aja pintu lip, peda ku nyu udah bedijir panjai urang ngena gari semat. Aku alu bedijir ba belakang. Kesal ati. Enda kala deh. Dipandakka cherita, kami alu asuh urang tama bilik siti. Alu asuh duduk. Aku duduk enggau senior ku suba ba SMK Meradong. Aku pan nda nyangka iya bulih ga. Dah nya bisi siku gi kaban ku siku bulih. Gaga ga. Udah ke brief explanation, Alu bisi exam. Nya iya bulih! Aku tu ukai nya bisi belajar endar. Bisi 100 tanya. Saut magang dalam kandang 45 minit. “APU!! Nda umbas nya” ko aku. Dalam 45 minit mayuh utai ulih nyadi. Udah ke ngeload semua seterum. Timbak!!!!! Ari 100 iku munsuh bisi 10 iku nang ditimbak ku terus. Abis nya alu terus intebiu ga. Kami duduk ba kerusi, dah nya dikangau urang siku siku. Beberandau mimit enggau urang ba tisi aku minta tips. Suddently, NEXT!!! ko urang. ‘Apooo, aku diatu’ ko aku. Tama ku peda ku dua iku laki ba mua ku. Kesal mat atiku. Betabi pan baka betabi-tabi enda. Nguji ga senyum mimit taja ba ati Tuhan ja nemu maya nya. “Tell me everything about you” ko urang ngintebiu nya. “Apu, Nya iya bulih. Sepiking abis” Padah meh tu tadi semua utai. Nda nemu tak barang utai tabak. Ni ngena asai ya dia alu tabak aja. Sida majak sepiking nggau aku. Sekali tak “Do you eat pork?” ko siku ari pengintebiu nya. “ Ah? Pork? Nama sangpaut enggau intebiu tu deh?” ko aku dalam ati. “Aaaa.. No, not lately” ko aku ga. Nemu tak baru kemari ke makai babi bai tokey. Nyu sepinggai besai ba atas mija. Kitai mesti ka nyaga sensitibiti urang ga. Tang maya nya aku enda ingat laban kelalu kesal. Empai abis nggau nya, asuh ya bediri ku alu bejalai. “Do you feel tired?” ko inya ga. Aku nyu bengap-bengap nitih ke utai asuh inya. Weird ndar utai tanya sida. “No” ko aku ga. Yes no aja meh dia. “Ok, please check on our website after this if you want to be sure whether you pass or not.” Ok ko aku. Nyamai asai udah abis. Aku alu nurun kebaruh betemu enggau parent ku. Glad that’s over. Kami pan ngagai supamakit makai. Nda berasai RM 11 terebai bai makai asi manuk sepinggai. Ngemar ngemarnya. Nda ngawa asal semua udah pukas…

Episut 7 (Last Episode)
(Babai Kuching)
Sinu ndar munyi episut kitai saritu. Nya meh nda nemu berapa lama cherita tu dah digaga. (Nda datai sari enti jampat) Udah ngebai semua urang alu pagi ari minggu nya kami pan pulai ninggalka Kuching.”Babai Kuching. Nuan tetap ba atiku”. (Jiwang ndar itu). Datai rumah mandi, makai alu tinduk.

ADAN

Diksunari Iban-English V1.5. Sapa ka?

2009-05-25T23:12:00.009+08:00

Shalom semua. Lama endar ga udah nda ngeupdate beluk ku tu. Ke saritu aku bisi application ti manah ke kitai semua ke ka belajar Jaku Iban enggau dalam agi. Terima meh Diksunari Iban-English V1.5 tauka Tibangjaku Iban-English V1.5 (Iban-English Dictionary V1.5/Kamus Iban-English V1.5) aku tu. Enggau diksunari tu kita ulih ngiga jaku ke dikingin enggau sekijap mata aja. Ngagai sapa ke ka ngiga reti lekajaku tang nadai diksunari ,tu nang enggi kita. Udah tu tembu ila, kita ulih ngedownload tu ari blog aku tu.PERI!!! Nadai bayar. Tang diatu aku agi dalam perusis ngemasukka semua lekajaku. Kitai Iban bisi lebih kurang 12 ribu lekajaku. Sayau amat nya enti enda dirikutka. Nya alai aku ngaga diksunari tu. Baru ka 4% lekajaku dah dipasukka aku. Enti bisi pengurang kini aku minta ampun tang aku janji ba version ti deka datai aku deka ngaduka pengurang nya. Ba baruh tu preview Diksunari Iban-English V1.5 ti deka datai.

Tu meh sekeda ari preview diksunari tu.

Sapa ke bisi sadang/kumin tau anjung ngagai aku. Sapa ke bisi lekajaku baru ke asai kitai nyau jarang dikena tauka nang jaku kita din, anjung kitu awakka aku ngemasukka iya dalam tu. Tauka kita ulih ngemail aku ba azvenze_89@yahoo.com. Sama sama meh kitai ngemansangka jaku Iban.

Nuhun Intebiu ( PART 1)

2009-05-15T12:19:00.005+08:00

Sapa nda kesal enti diasuh bejaku ba mua urang? Bakanya mega enggau intebiu tu. Udah ke ditemu enggau intebiu arinya, raya ga pengesal ati. Nda ntu tak jenak tinduk sekumbang dua kumbang. Ka pan nda, nurun ga. Nya nentuka pengidup jemah ila deh. Nggai nyadi ga ngelepaska pia aja. Ari beribu-ribu urang minta, ke dirintaipandak (shortlisted) aja dikangau nggau intebiu. Syukur bulih. Baruh tu chronology cherita aku ti benama "Nuhun Intebiu". Tu cherita ku ke nurun interbiu arinya ba kuching.

(Cherita tu amat cherita ndar ke nyadi ba aku arinya. Tang mega bisi sekeda part ditambah gula-lada-chabi mimit ngambika bisi asai agi alu sesuai enggau pemacha.)

"Nuhun Intebiu"

PART 1

EPISUT 1:
(Ye, aku bulih.)

Kering kering....Kering kering....... Suddenly ja telipunku bemunyi. Tang nadai urang nyambut. Udah nya siti tubuh engkebut ngagai telipun nya. Jari iya alu megai telipun nya. Iya alu ngebak ka inbuk. Peda iya siti lumur misteri ti nda kala dipeda iya ngelama tu pansut ba sekerin telipun iya. Kebakka iya... " Tahniah, anda telah tepilih mengikuti temuduga..... Sila check laman web......" ko mesis ba telipun nya. There was a moment of silence before......HOOOREY!!!! Aku bulih!!! Aku bulih!!!! Aku nggau urang intebiu nda lama agi.. Tang dah nya REYHOO... REYHOOO. Aku deka diintebiu urang. Nda kala ngelama tu. Asaika labuh jantung. Kesal amat tu. Terus ketanya begagai ba runding ku. Keni aku ka nyaut sida ila? Nama patut kena ku? Ulih kini aku? Kati enti ku fail deh? Dipandakka cherita aku alu bebelika perengka keni intebiu. Peraktis kediri. Macha mayuh utai besangpaut enggau kumpeni nya. Tu nyadi nyentukka 7 May 2009. Ari dah ka datai. Ko aku meransang diri empu "Aku enda ulih ngecowardka diri. Aku mesti berani"...

EPISUT 2:
(Nengah andau beduri)

Kelalu ga pemula title kena episut 2 tu. Nda ga sampai nengah andau beduri. Nama pemedis? Tama kerita alu terus mupuk. Bisi pedis? Suh saspen ja d tu. Mina ke pengelama in terms of maya kin aja. Pejalai ari Pakan ke Kuching makai maya 6 jam setengah. Aku duduk ngenangka nama nyadi ngagai aku pagila. Ingat ga pengelama dah enda ke Kuching nyu datai 4 taun dah enda. "Bakani meh gaya Kuching diatu?" ko aku bejaku kediri. "Dini kita ka ngetu?" ko deriba(Linus, kami ngagau ke iya). "Ba Lachau?" tambah ya gi. Saut apaiku "Eh nibuh pan. Dah makai ba Merudi (Ukai ba ke ba Miri tang Serikai) tadi. Teruska aja". Nyuka datai ba Serian " Ngetu kitai ka nyepi ikan terubuk Serian" ko Indai. Ngetu nda lama kami ba Serian. Kami alu tama jamban. Kati nda deh dah laban duduk, mesti meh ka kemi. Udah nya aku asaika ngiga taidempa. Kami bejalai ke pasar lemai. Ka dakal urang da kami. Kami meli senuyung manuk panggang. Rega RM6 semua, padah ya RM8. "Pey!!! Raya d. Kumbai d nda nemu ngira kami. Buk d nya temu ku magang" ko aku(Bula ku aja). Ndai ga bakanya. (Raya agi lama) Kena saspen ja nya. Udah ke ngetu ba Serian kami mupuk ke Kuching. Datai din..

EPISUT 3:
(Ular Sawa Melit)

Nyelai ndar title. Nda paham aku. Ok. Lagi ku madah.Datai din kami diau ba rumah tokey siku ti nang udah nganti kami. Bai iya tama rumah temuai iya. Kami diau ba din. Chun bala sida ndang friendly. Tama bilik. Aku alu ngalika diri ba tilam. " Nama nda nyadi pagila?"ko ku ga. Tang lengka ke dulu nya. "Mandi dulu nuan. Ka makai kitai." ko Apai. Aku pan mandi. Dah nya kami makai. Bai tokey nya makai ba siti kedai. Aku merening agai nama kedai nya iyanya "Ah Tou Seafood". "Ditu kami makai ne. "ko aku. Ngejoin kami iyanya madi ku mpu ke belajar ba Kuching nggau GFya. Tokey nda bebah-bah alu nguda mayuh bansa lauk sampai sekut mija laban lauk. Asi ka sejeput. Lauk nyu repa ba atas mija. Ulih ngerembang. Empa pemayuh.
(Ke sema) Nya meh kami semalam-malam nya ngelaban lauk nya. Nya meh dikesema baka ular sawa makai. Udah tembu makai alu melit ba pun kayu ngenatka pengeyang. Tang bisi pros & cons ya ko Ribai. Makai nyamai rega pan 'nyamai' meh. Makai gaga meda rega pan 'gaga' meh. Nda ngawa, Tukey kaya, iya malas semua. Pulai ke rumah temuai alu nda nyalah-nyalah baka sawa melit. " Enda ala titihka mata tu. Mesti belajar." ko ku ga. Aku pan alu macha bala nuta ke diambi ku ari internet kena pagila. Malam nya aku tinduk. Tiba-tiba. TROOM!!!!Baka bunyi guntur ngusak bumi. "Nama nya?"Ari ni utai nya datai aku pan nda nemu. Aku berasai takut. "Nda patut rumah tu bisi......?"
BETAMPUNG BA PART 2

Rumah Panjai ba Jagoi, Pakan Angus!

2009-04-25T15:50:00.009+08:00

Api benung makai rumah panjai

Asap chelum menuhka langit Pakan.

Bala semina ulih meda aja api makai semua pemisi sida.

Tinggal baju ba tubuh aja.

Bumba baru datai maya rumah panjai tinggal tiang.

Tiang aja agi tinggal.

PAKAN, 25 April- Siti rumah panjai ba Jagoi, Pakan udah angus diempa api tengahari tadi. Api nya dipadahka sida bepun ari anak mit ti benung bemain api ba siti bilik ba rumah panjai nya. Api ba anak mit nya tadi alu makai tilam lalu ngujungka makai seluruh rumah panjai 26 pintu ke digaga ari kayu nya. Ketunu tu terubah nyadi urung pukul 11.45 pg tadi berengkah ari bilik anak mit nya alu ngerayap ngagai seluruh rumah panjai nya. Ketunu tu mayuh enda disedar urang dia laban mayuh sida nurun gawa saritu. Maya sida datai, api udah makai mayuh bilik ba rumah panjai nya. Bala dia mayuh nda sempat nyelamat ka utai diri baka IC nggau Sijil laban api ngerayap kelalu jampat. Sekeda urang mina sempat nyelamatka senapang diri aja ari rumah. Mayuh sida tu tinggal baju ba tubuh aja agi laban penusah tu. Bisi sida iya nelipun bumba tang bumba mina datai beberapa belas minit aja maya api udah makai segenap rumah nya. Pengelaun bumba tu datai laban Pakan nadai balai bumba alu balai bumba ti pemadu semak iyanya 45 km ari Pakan iyanya ba pasar Sarikai. Pengerugi ari ketunu tu bedau ditemu. Tang mayuh mutasikal enggau entuka angus laban penusah api tu. Bisi sekeda entuka baru dibeli angus dalam ketunu tu. Nangka ke tu, nadai siku ditemu bebadi dalam penusah tu. Urang mayuh ulih meri derema ngagai sida ke kena penusah tu kena ngelempunka penusah sida.

Dah diaduka urang...

2009-04-23T13:17:00.004+08:00

Sebedau
Udah

Sebedau

Udah

Lipan benung ngadu

Sukur gai Tuhan tanah ti tumpur nya diatu dah diadu. So diatu nyamai meh laban penanggul ai nadai agi. Amat balat ujan sarinya sampai padang sekula tu ka tumpur magang. Tang diatu dah ok. Good Job.....

P/S: Ai anang nda dikelimat laban diatu musin kemarau udah datai...

Argggghhhh... Tension Ndar!!!!!!

2009-04-05T00:39:00.003+08:00

Tusah ndar pengidup sekumbang dua kumbang tu. Ai tak semampai putus aja. Ka mandi nda ulih, ka ngirup pedis. Nama meh kebuah tungga(paip) ai nya ka ndar techabut. Udah diaduka berapa kali agi ga ka techabut. Bakani sida ngadu nya? Gawa amat amat sida? Serious sida ngaduka tungga nya? Nyu nda mandi ku dibai iya. Ka ngelimat ai tangki. Tu pan nda semaya ngadukanya. Kada nda ari satu tu ila sida ngaduka tungga nya deh? Akai! Bakani ka mandi? Sukurndar bisi umai ke bisi ai sunggai. Ulih ga mandi dia. Aku ngarap amat meh uhang ngerepair tungga nya pagila. Jampat tembu jampat rilik.

Renggat ke-2: Nyemin Tapa' Rumah

2009-04-04T14:17:00.006+08:00

Tapa' rumah ba Sg. Sawa diatu udah tembu disemin. . Penyampau semin dikena maya nyemin arinya urung 15 kubik mita. Udah tu ila kami deka ngaga atap rumah tu..

Penampung Jaku Iban 2 (Penampung -i)

2009-04-03T16:45:00.009+08:00

Kesaritu ku ka nampung pelajar ke sarinya. Diatu kitai deka meda siti penampung dalam jaku Iban ti udah lenyau tauka udah di'fix' iyanya penampung i' (dipronounce -ik). Mayuh urang enda sedar penampung tu bisi laban iya udah lekat ba siti leka jaku alu nukuh siti lekajaku ti baru. Aku meri chunto.

Chunto 1:

Perut- BI (Stomach) urugan(organ) dalam tubuh mensia ti endur ngedigest pemakai.

Peratika kita enti perut tu ditampungka enggau i ba ujung.

Peruti -BI (the act of removing the stomach) pengawa ti muai urugan (perut) ti endur ngedigest pemakai.

Chunto ayat: Indai ngasuh aku meruti (merut + i) perut manuk nya.

Chunto 2:
Kulit - BI (skin,cover) karung, utai ti kena nyelap barang

Tambah i ba ujung.

Kuliti/keliti - BI (peel off the skin, uncover) buai kulit, buai selap, kikis.

Chunto ayat: Anang ngeliti (ngelit + i) ka karung bup nya, ko Apai.

(Kebendarya keliti nya sama enggau kuliti. Kebuah kuliti nyadi keliti laban jaku iban undergo evolution ari siti maya agai siti maya.)

Mayuh gi chunto bukai ti bekaul enggau penampung tu. Tang diatu nama utai ulih ditampungka enggau penampung tu? Mayuh ulih. Aku meri chunto.

1)Lundung
Lundungi'- Muai lundung dalam perut.
Chunto ayat: Indai ngasuh Ryan makai ubat lundung kena ngelundungi perut iya.

2)Uras
Urasi'
Chunto ayat: Urasika kelas tu sebedau chigu datai.
Sama Reti Enggau: Buai uras dalam kelas tu sebedau chigu datai.

Pekena (the use) penampung tu ukai limited ngagai leka jaku iban lama tang mega iya ulih ditampungka enggau lekajaku baru dalam Jaku Iban.

Chunto:
3) mesej
meseji'
Chunto ayat: Sapa ngemeseji' HP ku?
SRE: Sapa muai semua mesej ba HP ku?

4)Bup
bupi'
Chunto ayat: Aya mupi' jemari ku ke penuh enggau kumik.
SRE: Aya muai semua bup ba jemari ku ke penuh enggau kumik.

Mayuh agi lekajaku ti ulih ditampungka enggau penampung tu. Kati runding kita? Sama-sama meh kitai ngidupka baru penampung tu dalam Jaki Iban.

Sanggup Bepetang Ketegal Nuan

2009-03-30T15:14:00.009+08:00

Kami nyukung Earth Hour!

Apu, Jiwang mat munyi title kitai saritu. Anang ngerunding utai bukai. Tu ukai jiwang sengapa tang jiwang beserimbai enggau Earth Hour sarinya. Kami sebilik udah mutus ati deka ngundi Earth alu ngelaban Pengangat Gelubal tauka Global Warming. Nya kebuah kami madam semua karan dalam rumah kami sepengelama 1 jam kena nyukung perugerim tu. Ke bisi mina api dian aja. Perugerim Earth Hour tu ke digaga dalam skala besai tu dienggau lebih ari 1000 bandar serap dunya tu nyengkaum kami. Kami ba SMK Pakan ditu udah sama bela bepadamka api kena nyukung perugerim tu.

Kami udah nulung bumi enggau chara nyukung iya.Kita deh?

Renggat ke-1:Sembiangka tapak rumah ba Sg. Sawa

2009-03-21T11:30:00.009+08:00

Kena 16 Mac ti udah, kami bisi ngangauka Father Rentap kena besampika tapa' rumah baru ke deka digaga ba Sg. Sawa tu ila.

Udah tiang dientakka, Father Rentap alu merekatka tapa' rumah baru.

Dah nya sida alu nyemin langkau nya.

Abis pengawa nya, baru urang merarau.

Tian makai kachang.

Makai-Makai

Simple aja pemakai.

Tian nggai ngelepaska peluang mandi ba Sungai Sawa.

Pemeresi Sungai Sawa.

Nya ya tadi pengawa ke dikereja maya 16 Mac sarinya. Aku nda nggau laban ke Sibu. Bisi pengawa din. Ngarapka udah dibless rumah tu ulih nyadi endar ti lantang enggau senang alai diau. Diatu nggau belamaya. Amin......

Nurun Ke Umai

2009-03-09T13:57:00.006+08:00

Kemari aku bisi nurun ke umai. Pengawa kami din iyanya ngesan papan ari tuchung Bukit Sawa nurun kebaruh alu ditugungka ba tisi pegung . Papan tu kena langkar rumah baru. Amat lelak tang jenak. Maya aku ke ba umai aku meda pemanah kampung ke agi gun ba semak umai kami ti enda ditegu pemansang enggau pemudin bandar . Nya alai aku nangkap sekeda gambar kena pengingat. Ni nemu ila udah pemudin alu pemansang ngerayap ba ditu, bisi ga gambar pengingat ba pemanah menua tu suba. Tu sekeda gambar ke sempat ditangkapku....

Gambar langkau umai.

Andau ti digaga ari kayu kena nyeberai ke sepiak.

Tu meh Sungai Sawa.

Peda kita pemanah sungai kitai ke bedau dikamahka tu.

Gambar kampung gun ke bisi ba umai kami.

Ba baruh tu gambar bukai ke bisi ditangkap ku mega.

Mayuh ikan ba pegung tu.

Ma gaga Yan? Ngaga tekat pia.

Posing nda lama udah ka ngerituk tanah ba tisi sungai.

.....Pegung Sungai Sawa....

Nya alai kitai ke mensia tu patut ngintu alu nyaga pemanah enggau pemeresi kampung gun tu laban kitai tu siti ari beribu-ribu utai idup bukai ti nukuh ekosistem tu. Enti siti ari penukuh ekosistem kitai timpang laban pengawa kitai empu. Dunya tu deka nyadi nda balance. Nama nyadi pechunggaiya? Pengangat gelubal tauka global warming. Aram kitai sama bela ngintu kampung kitai ngambika iya meruan bisi nyentukka jenerasi ke ila-ila....

Ngelawa Rumah Panjai Teluk Batu

2009-03-01T14:02:00.005+08:00

Udah ke ari Julau tadi, kami pan ke Teluk Batu. Enti ka kin, kami ngena muta ai ari wap Bintangor agai seberai nengah sungai Batang Rajang. Tambang baruh ari seringgit. Dahnya kami ngena van enggau tambang RM2 siku agai destinasun.

Tu meh gaya rumah panjai Teluk Batu.

Tu rumah panjai kedua

Nyin rumah sida akiku[Ke bisi gahi nyin]. Ukai rumah panjai...

Tu meh wap Teluk Batu. Suba ka ndar melangkan ba lutak dia. Hehehe..

Bala petunggal; Manjung:Mit, Kanan:Su tai, Mua Kiba: Gidek

Datai ba rumah sida aki alu belelak dia nda lama. Nyau pukul tiga lalu baru kami bekejang ari umah alu pulai ke Pakan baru....

Ngelawa Julau

2009-03-01T13:37:00.010+08:00

Kemari aku bisi ngaga trip ke Julau. Lama amat dah nda ke Julau. Naka ke dingat ku sepemanjai umurku ka sekali tauka dua kali aku kala ke Julau. Nya alai aku ka-ka gagit kin deh... Terubah kami ke SMK Julau laban apaiku bisi pengawa; betemu nggau PKHem din, C. Igat pasal sekula nya meh.

Tu meh git SMK Julau

Mina sempat ngambar Koperasi SMK Julau aja

Dah abis ba SMK Julau, kami pan terus ke pasar Julau. Aku tekenyit mimit meda Julau diatu udah balat mansang ari ketungkah ku kia suba. amat mansang menua Julau diatu. Terrubahya aku bisi ati ka ngelawa Chigu sekula kami ke bisi diau dia tang nda nyadi laban dah tu kami ka ke Teluk Batu ngelawa aki e ini. So nangka tu aja trip ke Julau. Mupukkkk.....

Selabat Ujan Selabat Panas?????

2009-02-20T14:45:00.005+08:00

Hey Yall.... Supp? Nyau sebulan dah aku nda ngeupdate beluk ku tu. Kelalu mayuh problem. Hahaha... Berasai nda kita muari diatu majak angat? Alu setat meh urang sebana alu nyalahka mua ari. Ari ujan, gari nda rangkai. Lagi ari panas, setat ga sebana madahka kelalu angat. Nya meh mensia perudak nature. Seruran nyalahka utai bukai nama diri ditinggang penusah. Sebedau nyalahka urang bukai, perening diri dulu ba cheremin... Ke batangya aku nadai utai ka sebut nya alai ku nulis serap tu. Hehehe... ok.. Ngarapka kita semua 'have a bless weekend ok' . Mupox out........

P/S: Meli bahang aneng ndak bejimat wai. Ekonumi diatuk x stabil auk.

Pakan Bah Kedua Kali!

2009-01-18T14:05:00.009+08:00

NAMA PENYALAH MUA ARI KEMAYA ARI TU? NAMA MAIN IYA KA ENDAR UJAN?

Ujan labuh baru. Bangat gi nya..

Gambar tu diambi saritu ngayanka bah ti nyadi kedua kali ba Pakan. Gambar tu diambi mua jalai ke SMK Pakan.

Gaga amat Tian laban nemu pagila iya enda sekula laban bah. Amat ga. Nama kebuah aritu ka ndar ujan. Nadai kala bakatu. Enti suba nama ujan, bah sekali alu ngetu nadai agi. Tang diatu 2 kali ujan dua kali bah dalam kandang kurang ari seminggu. Nyelai ndar ga ari tu diatu. Sekeda urang gaga ari ujan laban ulih mandi. Ni nda, paip pechah alu empai adu. Ngarapka sida benung ngadu ka nya saritu meh. Tusah Nadai Ai.....

Tu meh ngasuh paip ai ke sekula tu pechah alu ngasuh sekula Pakan nadai ai.

Landslide tauka tanah tumpur nyadi ba tisi padang ngasuh paip ai pechah.

Bah Baru Pia?!

2009-01-18T08:27:00.004+08:00

Amat tak amat sempama larika ujan tetemuka pendam. Udah ga tinggang penusah bah ari nya, saritu 18 Jan 2009 bah baru ga Pakan. Tak nda ngetu bah. Dah ga ai nadai. Pechah paip ari luji ngagai sekula Pakan. Bakani ka mandi? Bakani ka berapi? Semua ngena ai. Ka pan nggai mandi ai ujan nya meh. Akai, balat ga penusah kemaya tu ari. Ngarapka sida ngaduka paip tak nda semaya nganti nya diadu. Dah ga jalai alun ampuh bah baru, bakani ka kitu ngadu ke paip nya deh? Dini nda bala nembiak mandi. Pelaba ka aku bula enti nadai sekedaya ngasam diri. Ngarap amat meh penusah tu badu. Tusah amat pengidup bakatu.

Menua Pakan Bah!

2009-01-13T13:43:00.011+08:00

History is repeating itself. Pakan bah baru! Udah bekau bah pechunggai taun 2004, diatu taun 2009, bah ngelawa Pakan baru.

Tu gambar sekeda urang tu bekenaka perau laban enggai basah. Sapa nyangka kitai tak ulih merau ba jalai alun?

Tambang ngangkut mutosikal ngena perau RM 5

Bah? Ni Jalai deh?

Nye, nya meh pengujungya nyau merau urang ba jalai alun.

Bah wai! Bah ai! Nya meh diatu menua Pakan benung bah. Bala sida jalai ampuh magang. Bah tu nyadi berengkah ari 11 Januari 2009 nyentuka diatu. Ujan mayanya magut (nda ngetu-ngetu). Tu ngasuh sungai Julau overflow enggau ai ngasuh tanah ke baruh ampuh. Sekeda ari jalai Pakan ampuh laban ai baka ba jalai alun mua SMK Pakan. Ba semak jematan Julau. Kampung Rambutan ampuh nangka bau!

Tu gambar ari kedua. Bah majak balat....

Pun bungai sekula pan nyau ka ampuh!

Ba baruh tu gambar tebaru satelit senentang penebal remang ba menua Malaysia. Tu meh mai ari ujan magut alu ngujungka bah ba Malaysia. Remang tebal ti betugung ba Laut China Selatan.

Kala mansau tanda remang ti pemadu tebal. Nadai endur ba serap(entire) dunya tu setebal ba ba Malaysia.Tu meh mai ujan balat ngagai menua sarawak.

P/S: Lama nda nuun pasar. Nadai jalai...

Mimit Pasal Penampung(affix) Dlm Jaku Iban

2009-01-05T11:17:00.010+08:00

Penampung(affix) Dalam Jaku Iban Part 1

Ke saritu aku ka mai kitai berunding pasal penampung dalam jaku Iban. Baka ke ditemu kitai mayuh, bisi beberapa bengkah penampung suah (common affix) dalam Jaku Iban iyanya;

..............................................

1) ng- , nge-, ny-, m-

Cth: ngepun, mai, nyual

2)di-

Cth: diambi, diasuh

3)peng-,penge-, pe-

Cth: pengerindu, pemanah

4)be-,bel-,ber-

bemain, betunga

4)-ka

engkahka, asurka

.............................................................

Tu antara penampung ti jarang dikena tauka guna iya enda tak temu endar;

1)em-

empeleman,

2)engka-

engkaih, engkakai

..............................................................

Tang diatu aku ka mai kitai meda alu berundingka penampung ti mayuh urang enda sedar tang suah dikena sida:

1)penampung ke-(prefix)

kerimpak, kekanggau

2) penampung -i (suffix)

peruti, keliti, empati,

3) penampung -er-(infix)

kerebak,terutu

.........................................................

Bah, tekenyit? Suah aku berunding, nama main kitai nda kala ngena penampung nya deh? Aku ngarap amat bala kitai berati ka penampung tu laban tu meh penampung asal kitai. Betampung baru ba part 2. Dia aku mai kitai beratika guna penampun tu dalam Jaku Iban.

Selamat Taun Baru 2009 Semua

2008-12-31T21:33:00.004+08:00

Ndai... Nyu nda berasai wai, nyu ka ngelengka ke taun 2008 tu. Raya meh penyampat ari tu mupuk. Nya! Nama nda kini utai ka nyadi ba taun 2009 tu ila? Ngarapka kitai berading (besedia) nengah taun baru tu ila. Nda ngawa, asal aja kitai ngengkahka Iya nya keterubah alu dirimpu kepenudi, sigi lantang pengidup.. Nya aja wai. Enggau tu aku ka meri:

SELAMAT TAUN BARU 2009 NGAGAI SEMUA KITAI
alu ngebaika 2008....
HAPPY NEW YEAR 2009 TO ALL OF US
and byebye 2008..

Jaku Pemuntul: Ngarapka kitai semua bulih gi lantang enggau senang alu Tuhan merekatka ktai semua. GBU.....
Mayuh mat kekenang taun 2008 nda ulih dilayauka aku. Sinu mat ati.....

Selamat Kristmas Semua

2008-12-24T10:09:00.004+08:00

Nda berasai nyau ka berengkah taun 2008 tu. Kristmas pan nyau ka datai. Nggau awak tu aku ka meri selamat ari kristmas ngagai semua urang. Anang nda ke gerija wai. Tu maya kitai ngigat ke pengada Iya, Tuhan Jesus kitai.

Nggau tu mega aku ka ngewish Selamat Ari Pengada ngagai Tian ke diatu manggai umur 11 taun. HAPY BITDAY YAN.......

Madah ke pengendatembu ati ngagai Pegari

2008-12-20T22:35:00.007+08:00

Aku rindu macha pegari. Aku meli nyauka ninting volume pegari. Terubahya aku rindu machaya tang udah ke sida nyetinditka sepilya, dia aku tusah ndar ka machaya. Ukai nama, tu laban sepilya. Nama kebuah pegari mungkah(change) chara nyepil Jaku Iban.
Chunto: meh nyadi mih.
deh nyadi dih.
ne, neh nyadi nih.
Chara nyebut iya 'meh' ukai mih. Nadai kala aku nyebut meh, mih. Tak nyelai munyi iya dinga ku. Sepatutya sepilya meh ukai mih.
Aku nemu aku ukai lang expert tang nggai nyadi mungkah jaku ke udah dikena generasi ke generasi. Aku ukai ka nagang tang semina madah ke buah runding aja.

P/S: Ngarap amat ku sida (Bala Raban Pegari) mungkah baru jaku nya dalam Majalah kita. Ang ringgat. Buah runding aja. Agi deh, aku minat macha pegari, enda bekurang . Mupuk baru ku....

ATTENTION: Ngagai Semua Anak-Anak Tuhan SMK Meradong

2008-12-09T21:24:00.003+08:00

arapAku mina ka madah 28 Desember tu bisi kebaktian ba SIB GRACE, Sibu.... Enti ulih datai laban Tuhan deka merekatka kitai.Alu anang enda besampi ngambika Tuhan menyertai alu Kuasa Roh Kudus Iya negu ninting ati mayanya ila... Mulia ke Nuan belama. Halleluya.....

Benny Hinn's Miracle Crusade in Colombia

2008-12-08T18:16:00.006+08:00

........YOU BETTER CHECK THIS OUT!!!.......

This is video from Benny Hinn's Miracle Crusade in Colombia.
Enti ulih PEDA!!!!

Feel the anointing from the Holy Ghost....

Asaika meh urapan ari Roh Kudus......

God is real. He is doing miraculous works all around the globe right now. For more information about Benny Hinn, go to http://www.bennyhinn.org/ or if you wanna watch Benny Hinn other Miracle Crusades you can find it in YouTube. Or if you wanna buy the CD you can go th the nearest store (e.g. Life Book Centre(Parkson, Sibu)). Believe me after you see it, your life will never be the same again. May GBU always....

Kiut desu ne?

2008-12-08T17:59:00.007+08:00

............ White ball monster is attacking again. Be prepare to face its fury.......................

Geregasi Burak Angkat ari dalam Tanah

Arghhhhhhhhhhhhhhhhhhhhh.......................

Miaurghhhhhhhhhhhhhhhhh....................

Feel my fury.....................................

Tu sekeda aksi mayau ti benama Omeng(pia ko Bibi) ti sempat ditangkap ku tadi maya ia agi tinduk. Monster ndar die Mew.Baka ke ka makai urang. Kiut ne?..

Kenangan Jamuan ISCF 2008 bsama C. Joshland

2008-12-07T21:43:00.015+08:00

Our ex-ISCF teacher; Ms Joshlan Mijan

So here we are again, its been a long time since i last updating my blog. This post is dedicated to our beloved teacher Ms Joshland Mijan; our ISCF teacher. Im gonna use BM this time(since she teaching BM) so that she will understand how grateful we are to have her serving in our school; SMK Meradong.May God Bless you always in your new school...

Akhir tahun 2008 sudah tiba, jadi inilah masanya untuk anak-anak Tuhan dari Persatuan ISCF Meradong untuk mengadakan parti. Kami memilih lokasi Ng Strass sebagai tempat tujuaan kami mengadakan BBQ..

Air sungai strass yang begitu jernih memikat pandangan.

First, Cikgu ada menempah banyak bahan mentah seperti ayam untuk dipanggang ikan keli untuk dipanggang juga, ada juga untuk dipansuh. Yang perempuan memasak sayur, yang lelaki meruti(membuang isi perut) ikan.

Joshua sedang menghidupkan api untuk aktiviti pemanggangan sambil

diperhatikan oleh Sofiana.

Dari kiri; C. Joshland, Sylvia & Anita B.

Dari kiri; Aku, Joshua & C. Morren.

Sawai bermain air. Yang lain mela sayur.

Setelah itu, api dihidupkan oleh kami dan kami memanggang terus ayam dan ikan tadi. Kepanasan pada tengah hari itu memang terasa. Banyak juga yang hadir ketika itu diantaranya Kami AJK ISCF 2007/2008, Aku, Juliana, Sawai, Anita B., Sofiana G., Joshua & Guang. Cikgu ISCF: C. Joshland, C. Malvis, C. Moris & adiknya, C. Hussein, C. Morren dan Pastor Ajai Sekeluarga.

C. Joshland: Hoi, jangan curi tulang...

Gambar kanan: Juliana

Pegang Gitar: C. Morris

Menongeng: C. Hussein(Hehehe...)

Para pelarian sedang berbincang. Guang sedang main tangkap ikan.

"Ka di? Mansang nama ka. Aku malu di ngena kayu tu."

Setelah semuanya siap, kami berkumpul dan bernyanyi sebelum makan. Then, time untuk mandi di Sg. Strass... Syukur kpda Tuhan kerana semuanya berjalan lancar. Petang itu kami pulang dengan hati yang gembira dan perut yang kenyang. TQJ...

P/S: Cikgu jangan lupa kami di SMK Meradong. Jasamu tetap dikenang. Kami berdoa agar cikgu terus teguh di sekolah baru nanti. Ingat Filipi 4:23... GBU.............

Is it true or not?

2008-05-24T10:22:00.005+08:00

Hey, i just recievied news regarding the post that i published on May 17 about Indu Buding Sentosa. Ka nemu, cerita tu bisi 2 version. Enggi kaban ku balat agi "Standard deviation" ari true story ke dipadah ka aku. Her story is like this, Indu nya tadi malam nya bisi nerima kekangau or calling from the red number. Iya nemu pasal lumur nya alu nggai nyaut iya tang kaban iya tu tadi ngansak iya nyaut kekangau tu tadi. Nyau kepemuasya saut iya alu dah iya nyaut nya alu mati iya tekala nya. Pagi nya " bangkai iya" tu tadi alu dianjung urang ke rumah. Nya urang ba rumah panjai sida tu tadi nyu chapuh laban utai nya. Woooo... terror.

The end of the story?
Aku alu nanya baru ngagai kaban ku ke endang sebuding enggau indu nya. Ka nemu nama saut iya? Nemu tak indu nya bisi penyakit alu nadai kala iya nerima calling from the unknown number nya.

Morale of the story?
Never believe something that came from ireliable sources laban at the end of the day nuan empu ke baka ke dikemulaka urang. Mupuk dulu. Bye.

Ngagai urang ke bisi telipun binching

2008-05-17T12:21:00.004+08:00

Begau nang begau urang laban nerima kekangau ari lumur telipun misteri tu. Lumur telipun ti nama disaut alu mali nyadi mirah screen iya enggau urang ke ninga iya alu mati tekala nya. Nibuh sebut agi pekara tu udah nyadi buah randau urang sebelah Malaysia tu enggau ba Indun din.
Indu Buding sentosa
Ukai nama, ditu ba sekula kami ditu pan bisi urang udah bulih kekangau ari numbur ke enda dikelala. Maya nya baru pukul 1 tauka 2 pagi. Tak munyi meh telipun iya tu ari "private number" alu diangkatke iya. Munyi ke dinga ku, maya iya nyaut nya utai ke ulih didinga iya semina munyi meresih aja. Nye, pagi nya maya ka nurun ngirup tak luput meh iya tu tadi. Indu nya buding Sentosa. Nya alai urang nyau begau ke iya. Maya iya merarau urang meda gamal iya tak puchat. Maya urang nanya iya mayanya, iya alu nyabak udah nya ketawa baru dah nyabak baru alu ketawa baru ga dah nya. Indui!!! Ni urang nda geli meda iya deh.
Indu Buding Bukai
Bedau abis nangka nya, siku ga agi ari buding siti ga nerima kekangau nya. Maya nya munyi alu, peda iya lumur nya mirah alu diempaska iya telipun iya. Dia meh utai nya munyi. Nasit enda disaut iya ko iya.Nya alai malam nya tak begau bala kami berandau ka pasal utai nya.
Sekeda Penemu urang senentang Pekara tu
Bisi keda madah ke utai nya bunyi meresih laban radiasi tinggi ari matapanas. Alu bisi ga kena nguji ka nginterpret reti lumur telipun nya, 0688806888 asai ko aku. Ko iya, 0 nya retiya pemati. 6 nya reti iya urang ke bempu lumur tu alu 8 nya retiya destinasi tauka penunga. Retiya ditu ko iya, urang nya tadi ka munuh urang laban nama penyampau urang ke dibunuh nya udah genap, sida ulih ngebak ka pintu neraka laban urang tu ko iya antichrist tauka antikritus. Pasal misis tauka mesej ari lumur nya.Urang ke macha misis nya deka mati laba utai ka dalam misis nya pasal sampi ngajihka diri mati. Uah abis iya macha nya alu mati meh iya. Bisi madahka iya deka matu 4 ari udah nya bisi ga madah iya deka mati tekala nya mega. Akai, amat begau!! Gawat ni ko urang indun. Nyadi nya meh tadi alu takut ka ngidup ka HP udah pukul 11 malam enggaika utainya ngachau tauka nuga.
Dinding Bulu/ Protective Layer
Alu bisi ga urang ke merani ke diri telipun ngagai lumur nya tang ko iya nadai urang nyaut. Berani meh tadi laba bisi protective layer tauka dinding bulu, ko iya ga agi. Ke baru tu aku ninga ari kaban indai iya ke bisi nerima misis nya maha maya iya macha misis nya iya bakake tekenyit tauka bakake bisi utai ngeju.Alu nanya meh aya iya tu tadi, lalu saut iya tadi alu ngasuh ngambi ubat ini sida. Dah nya unsut iya ba kening iya nya baru ngeleda. Ko iya utai baka tu nang dangerous tauka baya laban ulih ngasuh mati ngagai urang biasa. Kebuah iya nda mati laban iya bisi pengaruh ti tadi nekat kuasa tauka kesa penemu urang tu tadi nya alai iya nda mati.
Jaku Pemuntul ari aku
Sekalika kita ka pechaya tauka enda nya bepanggai ba kita empu. Tang ba penemu aku pekara tu nyadi laban dunya kitai tu kelalu mansang enggau teneluji ti tinggi. Nya alai pekara tu balat ndar nyadi sekumbang 2 kumbang tu . Nya aja meh pesan penudi aku. Bejaga meh. Sampi anang kurang.Mupuk dulu au..

Trip to Limbang 2: The Competition Day

2008-05-09T22:55:00.007+08:00

Pagila ka bepekit saritu belelak ba Hotel Purnama 'lu ba senteral Limbang. Kami diau ba bilik 708. Komposisi urang dia aku, Reman, Kanyan enggau Nazri. Kami meh bemalam ba bilik nya. The condition is quite nice and comfortable. Tajapan ikun (air con) nda entu chelap. Tang syukur meh. So pagi nya udah beraduka barang mupuk meh kami ngagai kin SMK Agama Limbang.

Ehemm.. A very good morning to our..... ladies and gentlemen. On this very red letter day....

Can you predict what is the end of this story? Well, i got first runner-up in this competition. Quite dissapointed but hey! Aku dah jauh. Ngelama tu ni aku bisi kala ngelarika division. Tu meh first time and im very proud of it.......

Trip to Limbang 1

2008-05-09T22:05:00.012+08:00

Kena 23 ngagai 26 April 2008 tu tadi, aku bisi ngagai Limbang. Nama kebuah deh? Well, im represented Sarikei division for public speaking dia ba SMK Agama Limbang.

After pansut ari bilun ka ngambi chance begambar dulu.

Me and my friend Reman begambar dulu sebedau makai ba restaurant dalam airport Miri tu.

Tu gambar my teacher and my friend. Chigu tu meh iya ke nyadi mentor aku ngelama tu.

At last, baru negu Limbang udah pejalai nyau ka sepanjai ari. Begambar lu kena pengingat..
Next, betampung baru ba part 2 "Trip to Limbang 2: The competition day".

Regang Pansut Baru! Diatu Ba Kuching

2008-03-19T21:18:00.004+08:00

Nitihka dinga ku, regang nya bisi ayan baru tang diatu ba menua Kuching. Endur iya baka selama, ba pun kelapa baru ba enti enda salah ku siurkandis (nda nemu nyepil nama iya endar ku)??. Nama kebuah utai tu majak bisi? Nama tu tanda ari pechunggai (pengujung) dunya deka semak? Enti bisi impumasi baru aku madah ga baru. Nya aja. Mupuk dulu aku.

Regang ba pun nyiur ba Simunjan deka lenyau nda lama agi?

2008-03-14T18:26:00.004+08:00

Munyika dinga ku, Enda lama agi regang nya deka lenyau retiya enda agi ayan ba pun nyiur nya maya ke ka datai Ari Ista (Ester) enda lama agi. Sida iya madah maya datai Ista tu ila tanda regang nya pan lesap tanda Iya udah angkat idup baru ari ketiga udah Ista ila. Nyadi, ngagai bala kita ke bisi ati ka meda regang nya enggau lekamata diri empu, anang enda beguai laban udah nya ila iya deka lenyau.....

Antu baruh buding (asrama)

2008-03-13T14:09:00.006+08:00

Utai tu nyadi ba aku empu, mayanya taun 2006 kami tiga sekaban, aku, John Bunsu enggau Andy benung ka ngagai bilik jamban buding sepiak buding kami. Datai kami din tadi, aku nggau andy tu tadi ngaga plan ka ngindui John. Mayanya pukul 12 lalu tengah malam. "E... chok, bisi antu dia" ko kenduai iya. "eh, enda takutku" ko John tadi. Ketawa meh kenduai tadi laban udah ngindui John tadi. Pulai meh kami ke buding tadi ngelengkake John kediri-iri ba jamban nya. Maya pulai nengah gerebai (gerebang) ke digaga ari pun kayu bedaun (ko kaban ku, bungai nya bungai ari pendam ditanam urang dia). Benung kenduai mansa baruh gerebai nya tadi, enda mukai-mukai ayan pak gat (guard) ba sepiak buding kami ga benung bejalai ngagai buding kami benung matau sebelah sekula kami. Dalam ati ku "ooo...gat nya". Iya ga suah deh gat datai urung pukul 12 lalu. Kenduai tadi ayuk gat nya tadi benung bejalai laban buding kami bisi tiang ba baruh deh. Ulih peda utai ke sepiak kin. Sekali, benung mansa siti tiang buding kami tak lesap! Nya kaban ku nya tadi alu merekuh lengan ku serayaka bejaku " Nama utai nya tadi?" ko iya. "Eh, ni bisi" ko aku tang kebendarya aku pan meda tang enggai madah enggai ka tak alu engkajat kenduai lari lagi. Datai kenduai ba penama buding kami dia aku berasai alit ati meda gat tak nadai ga dia.Lain asai ati dah nya tama kenduai ngagai buding. Maya nya aku alu madah ngagai kaban ku nya tadi pasal aku pan bisi medi utai nya. Datai meh kaban ku tadi, John nya. Tusui kami ngagai iyan ko iya udah nya " Nye, nya gaji kita ka endar ngindui aku diatu kita empu ke kena....

Nama utai patut dipelajar kitai ari cheritu tu tadi;
ANANG NGINDUI KABAN LEBIH-LEBIH AGI MAYA MALAM LABAN "UTAI NYA " ULIH MALAS NGAGAI NUAN.....

Tanda regang ba pun nyiur ba simunjan

2008-03-13T12:32:00.016+08:00

Gambar tanda regang ba pun nyiur ba Semalatong,Simunjan

Aku bisi ninga urang bejaku ka tanda regang ke bisi ba pun nyiur ke seruran dikesebutka urang ba menua sarawak tu. Ke temu ku utai tu nang ajih nang enti ukai kesa Petara utai tu nang nda ulih nyadi. Kaban ku maya nya ampit ngambi gambar pun kelapa dia. Maya ku meda nya, amat bisi gambar Jesus ba pun nya. Ke peda ku gambar iya nang nyengala tang buk iya nda entu peda. Nang ajih! Siti agi pengajih pun nyiur nya enti urang nya enda entu ndar pechaya tajapan iya kristian, iya nang nda ka tepedaka gambar nya. Baka kaban ku ba SMK Meradong din, ayan
ke kabanku siku gi gambar ke bisi Jesus nya( Gambar nya diambi kaban iya maya sida ke Simunjan arinya). Iya baka ke enda tegigaka gambar nya tajapan nya ba mua leka mata iya empu gambar nya. Udah nya aku datai, sebaka ka meda gambar nya, amat tak segenda gambar Jesus peda ku. Pia ko kaban ku " Apu, di beng sekali meda alu udah tetemuka gambar Jesus nya". Iya ke tu tadi lama endar iya ngiga gambar nya alu enda tepedaka iya. Ajih ne?! Bedau nya, ini tuai siku ke nggau raban ari Sarikei ke Simunjan ari nya enda meh tepedaka gambar nya. Alit ati iya, urang semua sida seumah meda, angkat tak iya tau tak enda meda. Ari siti kin baru iya laban ka bedau tembu ati tadi. Sekali agi iya enda tepeda ke nya. Ko apaiku inya engka kelalu mayuh dusa tang ba penemu aku laban iya tu tadi enda entu pechayaka nya.

Sekeda gambar ke bisi ditangkap ngena HP. Uji peratika kita amat-amat
bisi ba sepiak tisi kanan ke disegalaka atas pun kayu tu ayan gamal Maria.

Nya alai iya enda meda tajapan iya kristian. Kaban madiku ke kia kemari ukai semina meda gambar Jesus tang meda gambar Adam enggau Awa telanjai ba pun kayu nya. Bisi ditangkap enggau kamera dijital iya. Pedis ka pechaya,tang pedis ga enda pechaya laban proof tauka bukti iya dah ba mua diri. Mina nganti kitai ke meda iya nentuka sekalika iya nang amat tauka bula. Tang aku nang pechaya laban aku empu udah meda gambar nya empu. Kitia ka pechaya ke enda bepanggai ba kita empu.

Sekeda urang benung meresa batang pun kelapa nya. Peratika kita ngelingi

pun kelapa nya bisi langkau udah digaga endur sembiang.

Penerang Sangking
Utai tu udah nyadi dulu ba Indun alu mayanya dipeda siku indu benama Sumati. Jesus empu bisi madahka iya sebedau pun kayu nya ditebang ngagai Sumati madahka diri deka ngayan ka diri baru ba timur enggau barat. Diatu ba timur udah bisi; sarawak (simunjan) enggau sabah(keningau enggau kudat) . Ba barat? Enda nemu meh kitai. Kesa Petara nentuka semua iya sekalika tu tanda pengujung dunya tauka tanda mulia kristus ngagai kitai mensia. Diatu bepanggai ba kitai pemacha....

Selamat datai ngagai beluk(blog) aku!

2008-03-13T12:07:00.001+08:00

Well, tu terubah iya aku ngaga beluk kediri. Aku kelalu gaga laban baru bisi beluk kediri. Mayuh amat utai ka padah ku ba beluk ku ditu. so kita enti bisi kumin (comment) anjung kitu. Anang malu. Kitai bela belajar.